कम्बोडियाका राजा चीनबाट स्वदेश फिर्ता
नोमपेन, १५ असोज : कम्बोडियाका राजा नोरोडोम सिहामोनी बुधबार स्वदेश फर्किनु भएको छ ।
उहाँसँगै उहाँकी आमा तथा पूर्वरानी नोरोडोम मोनीनेथ सिहनौक एक महिनाभन्दा बढी समयपछि स्वदेश फर्किनु भएको हो ।
उहाँहरू नियमित स्वास्थ्य परीक्षण तथा उपचारका लागि चीनको राजधानी बेइजिङ जानु भएको अधिकारीहरूले जनाएका छन् ।
स्वदेश फर्किने क्रममा उहाँहरूलाई कम्बोडियाको राजधानीस्थित अन्तर्राष्ट्रिय विमानस्थलमा भव्य स्वागत गरिएको थियो ।
उहाँहरूको स्वागतका लागि प्रधानमन्त्री सम्डेच टेचो हुन सेन, कम्बोडियाका लागि चिनियाँ राजदूत वाङ वेन्टैनलगायत विमानस्थल पुग्नुभएको थियो ।
कम्बोडियाका ६६ वर्षीय राजा सिहामोनी सामान्यतया वर्षमा दुई पटक स्वास्थ्य परीक्षण तथा उपचारका लागि चीन जाने गर्नुभएको छ ।
