ट्युनिसियामा तीन आतङ्ककारी मारिए
ट्युनिस, २२ बैशाख : ट्युनिसियाको सिदी बाउजिद प्रान्तमा सुरक्षा फौजको कारबाहीमा तीन जना आतङ्ककारी मारिएका स्थानीय रेडियोले जनाएको छ ।
स्थानीय मोसाक एफएमले एक सुरक्षा स्रोतलाई उद्धृत गर्दै सुरक्षा कारबाहीमा तीन जना आतङ्ककारी मारिनुका साथै ठूलो परिमाणमा हातहतियार र बिस्फोटक पदार्थ बरामद गरिएको जनाएको छ ।
पहाडी इलाकाबाट तेल भर्न तल्लो भेगमा आएको बखत सुरक्षाकर्मीले उनीहरुलाई पक्राउ गर्ने प्रयत्न गरेको थियो । सुरक्षाकर्मीको गोली लागेर मोहमद र हाटेम बासडोउरी नामका दाजुभाइ मारिएका थिए ।
