गाजा पट्टिबाट इजरायलतर्फ करिब ५० ओटा रकेट प्रहार, आक्रमणमा एक प्यालेस्टाइनीको मृत्यु
जेरुसेलम, २१ बैशाख : गाजा पट्टिबाट शनिबार करिब ५० ओटा रकेट इजरायलतर्फ प्रहार गरिएको इजरायली सैनिकले जानकारी दिएको छ ।
गाजा पट्टिबाट इजरायलतर्फ दुई ओटा रकेट लन्चरसहित शनिबार बिहान सबेरैबाट भएको यस प्रहारमा मानवीय हताहत भएको हो होइन सो भने प्रष्ट नभएको समाचारमा जनाइएको छ । यस समाचारको विस्तृत विवरण भने प्राप्त भएको छैन् ।
इजरायलको हवाई आक्रमणमा एक प्यालेस्टाइनीको मृत्यु
गाजा पट्टिमा शनिबार इजरायलतर्फबाट भएको हवाई आक्रमणमा परी एक प्यालेस्टिाइनीको मृत्यु भएको त्यहाँको स्वास्थ्य मन्त्रालयले जानकारी दिएको छ ।
उत्तर गाजातर्फ भएको यस हवाई आक्रमणमा परी २२ बर्षीय इमाद नासिरको मृत्यु भएको सो मन्त्रालयले जानकारी दिएको छ ।
मारिएका ती व्यक्ति कुुनै आतङ्ककारी समूहसँग आवद्ध हो कि होइन भने प्रष्ट नभएको समाचारमा जनाइएको छ ।
गाजा पट्टिबाट शनिबार दर्जनौ रकेट इजरायलतर्फ प्रहार गरिएको इजरायली सैनिकले जानकारी दिएको थियो ।
