श्रीलङ्काका राष्ट्रपतिद्धारा नयाँ सेनापति नियुक्त
कोलम्बो, २ भदौ : श्रीलङ्काका राष्ट्रपति मैत्रीपाला सिरिसेनाले नयाँ सेनापति नियुक्त गर्नुभएको छ ।
वरिष्ठ सैनिक अधिकृत शाभेन्द्र सिल्भालाई उहाँले देशको सैनिक प्रमुखका रुपमा सोमबार नियुक्त गर्नुभएको हो ।
सिल्भाको बढुवाका बारेमा सेनाले वक्तव्य मार्फत् जानकारी गराएको छ । उहाँ श्रीलङ्काको २३औ सेनाप्रमुख हुनु भएको छ ।
सिल्भा भन्दा अगाडि महेश सेनानायके श्रीलङ्काको प्रधान सेनापति हुनुहुन्थ्यो । सिल्भा सन् १९८४ मा सैन्य सेवामा प्रवेश गर्नुभएको थियो ।
प्रधान सेनापतिमा नियुक्त सिल्भाले नयाँ जिम्मेवारी मङ्गलबारदेखि वहन गर्नुहुने भएको वक्तव्यमा उल्लेख गरिएको छ ।
