‘कानून हेरेर फैसला गर्दा कहिलेकाहीँ जनचाहनाअनुरुप हुँदैन’

काठमाडौँ, २ जेठ : सर्वोच्च अदालतका न्यायाधीश हरिकृष्ण कार्कीले संवधिान र कानूनलाई ध्यानमा राखेर न्यायालयबाट फैसला गर्नुपर्ने हुँदा कहिलेकाहीँ जनसमुदायको इच्छाअनुरुप नहुने बताउनुभएको छ ।

सर्वोच्च अदाललते आयोजना गरेको न्यायपालिकाको चौथो रणनीतिक योजना तर्जुमासम्बन्धी छलफलमा उहाँले कुनैकुनै फैसला गर्दा संवधिान र कानूनअनुसार जाँदा नागरिकको चाहनाअनुरुप हुन नसेको सुनाउनुभयो । “संविधान र कानूनलाई हेरेर फैसला गर्नुपर्ने हुन्छ, दबाबमा परेर निर्णय गर्न मिल्दैन, त्यो गर्दा सही निर्णय पनि हुँदैन, कहलिेकाहीँ जनचाहानाअनुरुप फैसला नहुने पनि हुन्छ, न्याय सम्पादनमा पनि कठिनाइ छ”, न्यायाधीश कार्कीले भन्नुभयो ।

विगतको तुलनामा फैसला लेखनलाई पनि सरल भाषामा छोटा छोटा वाक्य लेख्ने अभ्यास गरिरहेको उल्लेख गर्दै उहाँले रणनीतिक योजना सरोकारवालापक्ष सबैसँग छलफल गरेर निस्कर्षमा पुर्‍याउने जानकारी दिनुभयो । अदालतले यस विषयमा सातै प्रदेशमा छलफल सम्पन्न गरिसकेको छ । सोही क्रममा आज न्यायमा कलम चलाउने पत्रकारसँग छलफल गरेको हो ।