कानूनविद् प्रा डा मेननको योगदानको स्मरण
प्रा डा मेननको निधन भएको नवौँ दिनमा आज आयोजित श्रद्धाञ्जलिसभामा सर्वोच्च अदालतका न्यायाधीश डा आनन्दमोहन भट्टराईले प्रा डा मेननले नेपालको कानूनी प्रणालीको विकासमा महत्वपूर्ण भूमिका रहेको स्मरण गर्नुभयो ।
स्वर्गीय मेननले नेपालमा आएर राष्ट्रिय न्यायिक प्रतिष्ठानमार्फत न्यायाधीशलाई प्रशिक्षण दिने काम गरेको स्मरण गर्दै न्यायाधीश भट्टराईले दक्षिण एशियामा कानूनी प्रणालीको विकास गर्न उहाँ उल्लेखनीय योगदान रहेको बताउनुभयो ।
सर्वोच्च अदालतका न्यायाधीश हरि फुयाँलले दक्षिण एशियामा कानूनको क्षेत्रमा प्रा डा मेननले दिएको योगदानको स्मरण गर्दै नेपालको कानूनी क्षेत्रको विकासमा उहाँको योगदान अलुलनीय रहेको स्मरण गर्नुृभयो ।
प्रा डा मेननको कलेजोको क्यान्सरका कारण गत वैशाख २४ गते ८४ वर्षको उमेरमा निधन भएको हो । सर्वोच्च अदालतका न्यायाधीश डा भट्टराई र फुयाँल सोही विश्व विद्यालयका विद्यार्थी र प्रा डा मेननका विद्यार्थी हुनुहुन्छ ।
