‘मनमोहन पोलिटेक्निक इन्स्टिच्युट अब प्राविधिक विश्वविद्यालय’

विराटनगर, ३० फागुन : प्रदेश नं १ का आर्थिक मामिला तथा योजनामन्त्री इन्द्रबहादुर आङ्वोले प्रदेशसभाको यही अधिवेशनबाट मनमोहन पोलिटेक्निक इन्स्टिच्युटलाई प्राविधिक विश्वविद्यालयका रुपमा स्थापना गरिने बताउनु भएको छ ।

विष्णुमाया पुस्तकालय विराटनगर–१ द्वारा आयोजित पूर्वउप्रधानमन्त्री भरतमोहन अधिकारीको श्रद्धाञ्जलिसभामा मन्त्री आङ्वोले स्व अधिकारीको सपनालाई साकार बनाउन प्राविधिक विश्वविद्यालय स्थापना गरी युवालाई दक्ष जनशक्तिका रुपमा तयार गरिने बताउनुभयो । “आगामी वर्षदेखि आङ्गिक क्याम्पसले पठनपाठन शुरु गर्नेछ”, उहाँले भन्नुभयो । स्व अधिकारीले मुलुकको विगतमा संविधान निर्माण गर्ने कार्यमा सन्तुलित भूमिका निर्वाह गरेको मन्त्री आङ्वोको भनाइ थियो ।

विराटनगर महानगरपालिकाका प्रमुख भीम पराजुलीले अधिकारी र बालकृष्ण पोखरेलको निधनबाट अपूरणीय क्षति पुगेको बताउनुभयो । प्रदेशसभा सदस्य लीलावल्लभ घिमिरेले स्व अधिकारीले राजनीतिलाई निष्ठा, आदर्श र समाजसेवाका रुपमा प्रयोग गर्नुभएकाले यसलाई अनुसरण गर्नुपर्नेमा जोड दिनुभयो । सभामा पूर्वशिक्षामन्त्री राधाप्रसाद घिमिरे, पूर्वसङ्घीय सांसद ऋषिकेश पोखरेल, कृष्ण पोखरेल, डा भेषप्रसाद धमलालगायतले आ–आफ्नो धारणा राख्नुभएको थियो ।

प्रतिक्रिया दिनुहोस्
Contact us
Address :
Durbarmarga, Kathmandu Nepal
Contact No:
9851155800, 9861155800
Email:
mediamissionnepal@gmail.com
info@mediamissionnews.com
DOIB Regd No.: 905/075/076
PAN: 606662442
OCR Regd No.: 193288/075/076
Run by Media Mission Nepal Pvt. Ltd.
About us
Chairperson/Editor-in-Chief:
Teknath Neupane
Editor:
Goma Bhandari
Managing Director:
Dr. Ganesh Prasad Acharya
© 2018 Mediamission
Designed By: Web House Nepal