एकैसाथ नौ कृति विमोचित
कृतिको साहित्यकार एवं पूर्वमन्त्री दीनानाथ शर्मा, प्रा डा सुषमा आचार्य, नगेन्द्रराज शर्मा, साहित्यकार रोचक घिमिरे, प्रा डा रामचन्द्र लम्साल, श्रीओम श्रेष्ठ ‘रोदन’, प्रमोद प्रधान, बुलु मुकारुङ, डा रामप्रसाद ज्ञवाली, र भुँडीपुराण प्रकाशनका प्रबन्धक केशव पराजुलीले संयुक्तरुपमा विमोचन गर्नुभएको हो ।
सार्वजनिक भएका साहित्यकार मोहन दुवालका दुई कृतिका सम्बन्धमा साहित्यकार नगेन्द्रराज शर्मा, रोचक घिमिरेले र साहित्यकार हरि खनालका सात कृतिका सम्बन्धमा श्रीओम श्रेष्ठ रोदन, प्रमोद प्रधान, बुलु मुकारुङ, प्रा डा रामचन्द्र लम्सालले प्रकाश पार्नुभएको थियो ।
जनमत प्रकाशन नेपाल, भुँडीपुराण प्रकाशन प्रालि र सांस्कृतिक संस्थानको संयुक्त आयोजनामा सञ्चालन भएको उक्त कार्यक्रममा पूर्वमन्त्री दीनानाथ शर्माले साहित्य, कला र धर्मसंस्कृतिको रक्षाबाट मुलुकको समृद्धि हुने बताउनुभयो ।
