उपत्यकामा १३८४ सहित थप ६६५३ जनामा कोरोना संक्रमण, ८६६३ जना संक्रमणमुक्त
काठमाडौं,
२० हजार ८१३ जनाको परीक्षण गर्दा पीसीआर विधिबाट ४६२४ जना र एन्टिजेन विधिबाट २ हजार २९ जनामा संक्रमण पुष्टि भएको हो ।
पछिल्लो २४ घण्टामा काठमाडौँ उपत्यकामा १ हजार ३ सय ८४ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार काठमाडौँमा ८९७ जना, भक्तपुरमा १८८ जना र ललितपुरमा २९९ जना कोरोना संक्रमित भेटिएका छन् ।
पछिल्लो २४ घण्टामा ८६६३ जना संक्रमणमुक्त भएका छन् ।
संक्रमणमुक्त हुने बढेसँगै सक्रिय संक्रमितको संख्या एक लाखबाट तल झरेको छ । स्वास्थ्य तथा जनसंख्या मन्त्रालयका अनुसार आज सक्रिय संक्रमित ९७ हजार ६९९ रहेको छ ।
जसमध्ये ९० हजार ८९७ जना होम आइसोलेसन र ६ हजार ८०७ जना संस्थागत आइसोलेसनमा रहेका छन् । अहिले १४२२ जनाको आइसियु र ४०४ जनाको भेन्टिलेटरमा उपचार भइरहेको मन्त्रालयले जनाएको छ ।
पछिल्लो २४ घण्टामा थप १०१ जनाको मृत्यु भएको छ ।
योसँगै नेपालमा मृत्यु हुनेको संख्या ७ हजार ७३१ पुगेको स्वास्थ्य तथा जनसंख्या मन्त्रालयले जनाएको छ ।
