झापामा ६२ वर्षीय बृद्धमा कोरोना संक्रमण पुष्टि, संक्रमितको संख्या ४९ पुग्यो
काठमाडौं, १२ वैशाख: कोरोना भाइरस (कोभिड-१९) को एक संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार झापाका ६२ वर्षीय बृद्धमा कोरोना संक्रमण पुष्टि भएको हो ।
धरानस्थित वीपी कोइराला स्वास्थ्य विज्ञान प्रतिष्ठानमा गरिएको थ्रोट स्वाब परीक्षणमा उनको रिपोर्ट पोजेटिभ आएको हो ।
उनलाई अस्पतालको आइसोलेशनमा राखिएको छ साथै उनको स्वास्थ्य अवस्था सामान्य रहेको स्वास्थ्य तथा जनसंख्या मन्त्रालयका सह-प्रवक्ता, डा. समिरकुमार अधिकारीले जानकारी दिनुभयो ।
यसैगरी नेपालमा कोरोना संक्रमितको संख्या ४९ पुगेको छ भने कोरोना संक्रमित मध्ये १० जना उपचारपछि निको भएका छन् ।
