उपत्यकामा ५८७ सहित थप २३९८ जनामा कोरोना संक्रमण, २०७८ जना संक्रमणमुक्त
काठमाडौं, २९ असार : पछिल्लो २४ घण्टामा २३९८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७०५८ जनामा गरिएको पीसीआर परीक्षणमा १६३९ र ३९५४ जनामा गरिएको एन्टिजेन परीक्षणमा ७५९ जना गरी २३९८ जनामा संक्रमण पुष्टि भएको हो ।
पछिल्लो २४ घण्टामा काठमाडौं उपत्यकामा ५८७ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौं जिल्लामा ४१०, भक्तपुरमा ८० र ललितपुरमा ९७ संक्रमित थपिएका छन् ।
यस्तै उपत्यकामा ७ हजार ७४९ संक्रमित सक्रिय रहेको मन्त्रालयले जनाएको छ । जसमध्ये काठमाडौं जिल्लामा ५ हजार ४६४, ललितपुरमा १२७१ र भक्तपुरमा १०१४ सक्रिय संक्रमित छन् । योसँगै उपत्यकामा संक्रमितको संख्या २ लाख ७० हजार १६८ पुगेको छ ।
पछिल्लो २४ घण्टामा २०७८ जना संक्रमणमुक्त भएका छन् । योसँगै नेपालमा कोरोना मुक्त हुनेको संख्या ६ लाख २३ हजार १०५ पुगेको छ । हालसम्म नेपालमा पुष्टी भएका संक्रमितमध्ये ९४.६ प्रतिशत निको भइसकेका छन् ।
आजसम्म देशभर होम आइसोलेसनमा २३ हजार ४३९, संस्थागत आइसोलेसनमा २ हजार ७२२, आईसीयूमा ५८६ र भेन्टिलेटरमा १८२ जना रहेका छन् ।
नेपालमा कोभिड आजसम्म कोभिड संक्रमितको जम्मा संख्या ७ लाख ३ हजार ८५६ पुगेको छ भने संक्रमणमुक्त हुने दर ९४.६ प्रतिशत रहेको स्वास्थ्य तथा जनसंख्या मन्त्रालयको तथ्यांक छ ।
पछिल्लो २४ घण्टामा कोरोना संक्रमणका कारण १२ जनाको मृत्यु भएको छ ।
नेपालमा कोभिड संक्रमणका कारण मृत्यु हुनेको संख्या ९ हजार ४१२ पुगेको छ ।
