भाजपा नेता भन्छन् : भारतको रोजाइ केपी ओली, प्रचण्ड प्रधानमन्त्री भए चीनको जित
काठमाडौं, २८ बैशाख : भारतीय जनता पार्टी (भाजपा)का नेता सुब्रमन्यम स्वामीले नेपालमा भारतको रोजाइ केपी शर्मा ओली भएको बताएका छन् ।
नेपालमा नयाँ सरकार गठनका लागि प्रयास भइरहेका बेला भाजपा नेताले यस्तो बताएका हुन् । पूर्वमन्त्रीसमेत रहेका स्वामीले माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री भएमा चीनले जित्ने दाबीसमेत गरेका छन् ।
उनले ट्वीट गर्दै भनेका छन्, ‘नेपालबारे मेरो जानकारीमा भएसम्म ओली भारतको रोजाइ थिए । प्रचण्ड प्रधानमन्त्री भएमा चीनले जित्नेछ ।’
यसअघि उनले सर्वोच्च अदालतले प्रतिनिधिसभा पुनर्स्थापना गर्दा सुखद खबर भनि टिप्पणी गरेका थिए ।
