अव्यवस्थित सडकका कारण पानीका मूल सुक्दै
काठमाडौं,
पानीको मूल रहेका क्षेत्रमा डोजर र एस्काभेटर चलाएपछि पानीका मूल सुक्दै गएको स्थानीयले बताएका छन् । पानीका मूल सुक्दै गएपछि खाने पानी, सिँचाइ र पानी घट्टसमेत बन्द भएको स्थानीय भानबहादुर साउदले बताए । नवदुर्गा गाउँपालिका–५ चौबान्नीमा पर्ने दाडीमस्लेक–सेरी सडक चार लाख रुपियाँको लगानीमा निर्माण गरिएको छ ।
सो सडकको वातावरणीय प्रभाव मूल्याङ्कन नगरी जथाभावी डोजर लगाउँदा पानीका मूल सुक्दै गएको स्थानीय गोपालबहादुर ऐरले बताए । २०६७ मा निर्माण भएको बान्नी सिँचाइ यो जनाबाट बढी भएको पानीले आधुनिक घट्टसमेत सञ्चालित थिए तर अहिले बिना प्राविधिक मूल्याङ्कनका सडकले पानी कम भएपछि घट्ट बन्द हुँदा गाउँमा कुटानी पिसानीका लागि समस्या भएको छ ।
आजको गोरखापत्र दैनिकमा समाचार छ ।
