एल्चेलाई हराउँदै बार्सिलोना लिगको तेस्रो स्थानमा
आइतबार राति भएको खेलमा बार्सिलोनाले एल्चेलाई २-० गोल अन्तरले पराजित गरेको हो ।
एल्चेको मैदानमा बार्सिलोनालाई जित दिलाउन फ्रेन्क डी जोङ र रिकार्ड पुइगले एक एक गोल गरे ।
खेलको ३९ औं मिनेटमा जोङको गोलबाट बार्सिलोनाले सुरुवाती अग्रता बनाएको थियो ।
जितसंगै बार्सिलोना लिगको तेस्रो स्थानमा उक्लिएको छ ।
बार्सिलोनाले १९ खेलमा ३७ अंक जोडेको छ ।
बार्सिलोना शीर्ष स्थानको एट्लेटिको मड्रिड भन्दा ८ अंकले पछि रहेको छ ।
एल्चे १७ अंक जोडेर १९ औं स्थानमा रहेको छ ।
अर्को खेलमा ओसासुनाले ग्रानडालाई ३-१ ले हराएको छ ।
