थप ३३६ जनामा कोरोना भाइरसको संक्रमण पुष्टि, थप ४ को मृत्यु
काठमाडौं, ८ माघ : पछिल्लो २४ घण्टामा थप ३३६ जनामा कोरोना भाइरसको संक्रमण पुष्टि भएको छ ।
देशभरका प्रयोगशालामा ५ हजार ३० नमुना परीक्षण गर्दा १२२ महिला र २१४ पुरुषमा संक्रमण पुष्टि भएको हो । यससँगै कुल संक्रमितको संख्या २ लाख ६८ हजार ६४६ पुगेको छ ।
उनीहरुमध्ये २ लाख ६२ हजार ८६८ जना संक्रमणमुक्त भएका छन् ।
पछिल्लो चौबीस घण्टामा २२६ जना निको भएका छन् । योसँगै देशमा कोरोनामुक्त हुनेको संख्या दुई लाख ६२ हजार ८ सय ६८ पुगेको छ ।
हालसम्म क्वारेन्टिनमा १७२ जना छन् भने तीन हजार ७ सय ९९ जना आइसोलेसनमा रहेको मन्त्रालयले जनाएको छ ।
पछिल्लो २४ घण्टामा पाँच हजार ३० जनाको कोरोना परिक्षण भएको छ । हालसम्म २० लाख ३१ हजार ७५६ जनाको पिसिआर परीक्षण गरिएको छ ।
हालसम्म क्वारेन्टिनमा १७२ जना छन् भने तीन हजार ७ सय ९९ जना आइसोलेसनमा रहेको मन्त्रालयले जनाएको छ ।
पछिल्लो चौबीस घण्टामा मुलुकभर कोरोना संक्रमणका कारण चारजनाको मृत्यु भएको छ ।
योसँगै कोरोनाका कारण मृत्यु हुनेको संख्या नेपालमा एक हजार नौ सय ७९ पुगेको छ ।
