उपत्यकामा १४२८ सहित थप २५७१ जनामा कोरोना पुष्टि, १८ संक्रमितको मृत्यु
काठमाडौं, २४ कात्तिक : पछिल्लो २४ घण्टामा २५७१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर दुई हजार ५७१ संक्रमित थपिएका हुन् । यससँगै कुल संक्रमितको संख्या १ लाख ९७ हजार २४ पुगेको छ ।
काठमाडौं उपत्यकामा बितेको २४ घण्टामा थप १४२८ जनामा कोरोनाभाइरस संक्रमण पुष्टि भएको छ । संक्रमितमा ६३० महिला र ७९८ पुरुष रहेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार हाल देशभर ३६ हजार १७४ जना सक्रिय संक्रमित रहेका छन् । त्यसमध्ये काठमाडौंमा १५ हजार ९२८, ललितपुरमा २२५९ र भक्तपुरमा ११४३ जना सक्रिय संक्रमित रहेका छन् ।
पछिल्लो २४ घण्टामा एक हजार ७९८ जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म एक लाख ५९ हजार ७२४ जना डिस्चार्ज भएका छन् । मन्त्रालयले कोरोना निको हुने दर ८१ प्रतिशत रहेको जनाएको छ ।
पछिल्लो २४ घण्टामा देशभरका प्रयोगशालामा ११ हजार १७७ नमुना परीक्षण भएको हो । हालसम्म १५ लाख ५१ हजार २५४ जनाको पीसीआर परीक्षण गरिएको छ ।
देशभर ३६ हजार १७४ संक्रिय संक्रमित छन् । उनीहरुमध्ये २९ हजार ८३६ जना होम आइसोलेसनका छन् । संस्थागत आइसोलेसनमा रहेका मध्ये ४११ जनाको आईसीयू र ८३ जनाको भेन्टिलेटरमा उपचार भइरहेको छ ।
त्यसैगरी पछिल्लो २४ घण्टामा देशभर १८ जनाको मृत्यु भएको छ । हालसम्म कोरोना भाइरसको संक्रमणबाट मृत्यु हुनेको संख्या एक हजार १२६ पुगेको छ ।
देशभर कहाँ कति थपिए ?
