थप २८१७ जनामा कोरोना भाइरस संक्रमण, थप २१ जनाको मृत्यु
काठमाडौं, २३ कात्तिक : पछिल्लो २४ घण्टामा थप २८१७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभर दुई हजार ८१७ संक्रमित थपिएका हुन् । योसँगै नेपालमा कोरोना भाइरस संक्रमितको संख्या १ लाख ९४ हजार ४५३ पुगेको छ ।
पछिल्लो २४ घण्टामा काठमाडौं उपत्यकामा एक हजार ५३३ कोरोना संक्रमित थपिएका छन् । जसमा ७१० महिला र ८२३ पुरुष रहेका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाडौंमा एक हजार २९४, भक्तपुरमा ७७ र ललितपुरमा १६२ कोरोना भाइरस संक्रमित थपिएका हुन् ।
काठमाडौंमा मात्र हालसम्म १५ हजार ५२२ सक्रिय कोरोना भाइरस संक्रमित रहेका छन् भने २७२ जनाको मृत्यु भएको छ ।
त्यसैगरी भक्तपुरमा हालसम्म एक हजार १२९ जना सक्रिय संक्रमित रहेका छन् भने ७१ जनाको मृत्यु भएको छ । ललितपुरमा दुई हजार २०६ सक्रिय संक्रमित रहेका छन् भने हालसम्म ६७ जनाको संक्रमणबाट मृत्यु भएको छ ।
काठमाडौंमा ११ हजार ३६८ होम आइसोलेसनमा छन् भने भक्तपुरमा एक हजार ७५२ र ललितपुरमा एक हजार ८०३ जना होम आइसोलेसनमा रहेका छन् ।
पछिल्लो २४ घण्टामा दुई हजार ८१२ जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म एक लाख६ ५७ हजार ९२७ जना डिस्चार्ज भएका छन् । हालसम्म डिस्चार्ज हुने दर ८१ दशमलव १ प्रतिशत रहेको छ ।
पछिल्लो २४ घण्टामा देशभरका प्रयोगशालाहरुमा १२ हजार ३११ जनाको पीसीआर परीक्षण गरिएको छ । आजसम्म १५ लाख ४० हजार ७७ जनाको पीसीआर परीक्षण गरिएको छ ।
देशभरका संस्थागत आइसोलेसनमा ६ हजार २२२ जना र होम आइसोलेसनमा २९ हजार १९७ जना रहेका छन् । आजसम्म देशभर एक हजार १४९ जना क्वारेन्टिनमा रहेका छन् ।
कोरोना भाइरसको संक्रमणबाट देशभर थप २१ जनाको मृत्यु भएको छ ।
स्वास्थ्य तथा जनसंख्या मन्त्रालयको तथ्यांक अनुसार कोरोना भाइरसको संक्रमणबाट पछिल्लो २४ घण्टामा देशभर थप २१ जनाको मृत्यु भएको हो ।
हालसम्म कोरोना संक्रमणबाट मृत्यु हुनेको संख्या एक हजार १०८ पुगेको छ ।
देशभर कहाँ कति थपिए ?
