बलात्कार प्रयास गरेको आरोपमा प्रहरी जवान पक्राउ
काठमाडौं, २२ भदौ : महानगरीय प्रहरी वृत्त, गौशालाले बलात्कार प्रयास गरेको आरोपमा प्रहरी जवानलाई नियन्त्रणमा लिएको छ ।
आइतबार राति सोही वृत्तका प्रहरी जवान उपेन्द्र सिंहले २१ वर्षीया महिलामाथि बलात्कार प्रयास गरेको आरोपमा पक्राउ गरेको हो ।
‘हिजो राति ७ बजेको घटना हो । पीडित महिलाले नै उजुरी दिएपछि हामीले उनलाई नियन्त्रणमा लिएका छौं,’वृत्तका डिएसपी जितेन्द्र बस्नेतले भने ।
वनकालीस्थित छाप्रोमा गएर आफुलाई बलात्कार प्रयास गरेको भन्दै २१ वर्षीया युवतीले उनीबिरुद्ध उजुर गरेकी छिन् ।
महानगरीय प्रहरी वृत गौशालाका डिएसपी जितेन्द्र बस्नेतले दार्चुला घर भएका जवानलाई बलात्कार उद्योग मुद्धा दर्ता गरेर अनुसन्धान शुरु गरिएको बताए ।
उनलाई म्याद थप गर्न जिल्ला अदालत लगिएको छ ।
