पछिल्लो २४ घण्टामा कोरोनाबाट थप ११ जनाको मृत्यु
काठमाडौं, १६ भदौ : पछिल्लो २४ घण्टामा नोभेल कोरोना भाइरसको संक्रमणबाट ११ जनाको मृत्यु भएको छ ।
मृत्यु हुनेमा एक ४ वर्षीया बालिका र १० जना पुरुष रहेको प्रवक्ता गौतमले जानकारी दिएका छन् ।
मृत्यु हुनेमा पर्साका ५३, ८० र ६० वर्षीय, काठमाडौंका ७० र ३५ वर्षीय, महोत्तरीका ३७ वर्षीय, सिराहा ६५ वर्षीय, बाराका ६० वर्षीय, चितवनका ५२ वर्षिय र मकवानपुरका ५८ वर्षीय पुरुषको मृत्यु भएको छ ।
हालसम्म कुल संक्रमितको ० दशमलव ५९ प्रतिशत संक्रमितको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कोरोना संक्रमणबाट मृत्यु हुनेको संख्या २३९ पुगेको छ ।
