कोरोना संक्रमणबाट पूर्वन्यायाधीश चालिसेको निधन
काठमाडौं,१६ भदौ : पूर्वन्यायाधीश माधवप्रसाद चालिसेको कोरोना संक्रमणबाट मृत्यु भएको छ ।
७० वर्षीय चालिसे लामो समयदेखि मुटुको समस्याका कारण उपचाररत थिए । काठमाडौँ महानगरपालिका वडा नम्बर ३ निवासी चालिसे २०७० साल असार २५ गते तत्कालीन पुनरावेदन अदालत पोखराको मुख्य न्यायाधीशबाट अवकाश भएका थिए ।
भाद्र ११ गते अस्पताल भर्ना भएका उनमा उपचारकै क्रममा कोरोना परीक्षणको रिपोर्ट पोजेटिभ आएको थियो । उनको मंगलबार बिहान गंगालाल अस्पतालमा बिहान ७ बजे निधन भएकाे हाे ।
