काठमाडौं उपत्यकामा थपिए १७ जना कोरोना संक्रमित
काठमाडौं, १७ असार : काठमाडौं उपत्यकामा बुधबार १७ जनामा कोरोना संक्रमण पुष्ठि भएको हो ।
स्वास्थ्य तथा जनसंख्या मन्त्रालयका अनुसार काठमाडौंमा १० जना, ललितपुरमा ५ जना भक्तपुरमा २ जनामा कोरोना संक्रमण देखिएको हो ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बुधबारको नियमित प्रेस ब्रिफिङमा सो जानकारी दिएका हुन् ।
यसअघि हिजो मंगलबार काठमाडौं जिल्लामा १२ जना कोरोना संक्रमित भेटिएका थिए ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले काठमाडौं जिल्लामा १२ जना संक्रमित भेटिएको पत्रकार सम्मेलनमा जानकारी दिए ।
संक्रमितमा काठमाडौंका १२ जना, भक्तपुरका १ र ललितपुरका १ जना रहेका छन् । काठमाडौंमा ५ महिला र ७ जना पुरुषमा संक्रमण देखिएको हो । यस्तै ललितपुरमा एक पुरुष र भक्तपुरमा एक महिलामा कोरोना पुष्ठि भएको थियो ।
यसअघि सोमबार काठमाडौं उपत्यकामा ८ जनामा कोरोना संक्रमण देखिएको थियो ।
काठमाडौं जिल्लामा ६ जना तथा ललितपुर र भक्तपुरमा एक/एक जनामा कोरोना संक्रमण देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका थिए ।
