प्रभु बैंकमा आगलागी
चितवन, १५ वैशाख: चितवनको नारायणगढस्थित प्रभु बैंकमा आगलागी भएको छ ।
विद्युत चुहावट भई आगलागी भएको वडा प्रहरी कार्यालय नारायणगढका प्रहरी निरीक्षक रवीनबाबु रेग्मी बताउनुभयो ।
उहाँका अनुसार स्थानीयवासी, नेपाल प्रहरी, सशस्त्र प्रहरी, नेपाली सेना र दमकलको सक्रियतामा आगो नियन्त्रणमा लिइएको छ । बिहान ११ः २० बजे लागेको आगो ११ः४५ बजे नियन्त्रणमा लिइएको हो ।
क्षतिको विवरण आउन बाँकी रहेको उहाँले जानकारी दिनुभयो ।
