कोपा अमेरिका : चिलीलाई हराउँदै ब्राजिल सेमीफाइनलमा
काठमाडौं, १९ असार : ब्राजिल कोपा अमेरिका फुटबलको सेमिफाईनलमा प्रवेश गरेको छ ।
शनिबार बिहान क्वार्टरफाईनलको खेलमा चिलीलाई हराउँदै ब्राजिलले अन्तिम चारमा स्थान पक्का गरेको हो ।
ब्राजिललाई जित दिलाउन लुकास पाक्केटाले विजयी गोल गरे । दोस्रो हाफको पहिलो मिनेटमा लुकासले गरेको गोल ब्राजिललाई सेमिफाईनल पुर्याउन पर्याप्त बन्यो ।
खेलको ५० औं मिनेटमा ग्याब्रियल जिसस रातो कार्ड खादै मैदान बाहिरिएपछि ब्राजिल १० खेलाडीमा सिमित बनेको थियो ।
खेलको करिब ५० मिनेटको समय ब्राजिलले १० खेलाडीमा सिमिति बनेर खेलेको थियो ।
चिलीलाई रोक्दै आयोजक देश सेमिफाईनल प्रवेश गरेको छ । ब्राजिलले सेमिफाईनलमा पेरुसंग खेल्नेछ ।
शनिबारको पहिलो क्वार्टरफाईनलको खेलमा पेरुसंग पाराग्वे स्तब्ध बन्यो ।
निर्धारित समयको खेल ३–३ गोलको बराबरीमा सकिएपछि निर्णय टाईब्रेकरमा गरिएको थियो । जसमा पेरुले ४–३ ले बाजी मार्यो ।
क्वार्टरफाईनलको अन्य खेलमा उरुग्वे र कोलम्बिया तथा अर्जेन्टिना र इक्वेडर भिड्नेछन् ।
