असार ८ गतेबाट जोर–बिजोर प्रणालीबाट ट्याक्सी चल्न दिने निर्णय
काठमाडौं, ६ असार : काठमाडौं उपत्यकामा ट्याक्सी चल्न दिने निर्णय गरिएको छ । काठमाडौं, भक्तपुर र ललितपुरका प्रमुख जिल्ला अधिकारीहरुको बैठकले असार ८ बाट लागु हुनेगरी ट्याक्सी चल्न दिने निर्णय गरेका हुन् ।
निजी सवारी साधनमा जस्तै ट्याक्सी पनि जोर, बिजोर प्रणाली लागू हुनेछ । जोर दिनमा जोर नम्बर र बिजोर दिनमा बिजोर नम्बरको ट्याक्सी चल्न दिने निर्णय गरिएको जिल्ला प्रशासन कार्यालय काठमाडौंले जनाएको छ ।
अन्य, सार्वजनिक सवारी साधन सञ्चालनमा वैशाख १६ देखि रोक लगाइएको थियो । सो निर्णयलाई निरन्तरता दिइएको छ ।
