उपत्यकामा ३३४९ सहित थप ८५२० मा संक्रमण, ६१३५ जना संक्रमणमुक्त
काठमाडौं, ३१ बैशाख : पछिल्लो २४ घण्टामा थप ८ हजार ५२० जनामा संक्रमण पुष्टि भएको छ ।
२१ हजार ४७८ जनाको परीक्षण गर्दा पीसीआर विधिबाट ८४६७ तथा एन्टीजेन विधिबाट ५३ जनामा संक्रमण पुष्टि भएको हो ।
योसँगै नेपालमा कूल संक्रमितको संख्या ४ लाख ३९ हजार ६५८ पुगेको छ ।
पछिल्लो २४ घण्टामा काठमाडौँ उपत्यकामा ३ हजार ३४९ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार काठमाडौँमा २ हजार ४५८ जना, भक्तपुरमा ३३५ जना र ललितपुरमा ५५६ जना कोरोना संक्रमित भेटिएका छन् ।
देशभर कोरोनाका सक्रिय संक्रमितको संख्या १ लाख ७ हजार ३३६ पुगेको छ । जसमध्ये ९८ हजार ८६९ संक्रमित होम आइसोलेसनमा छन् भने ८ हजार ४६७ जना संस्थागत आइसोलेसनमा बसेका छन् ।
मन्त्रालयका अनुसार १ हजार ३३४ जना आइसियु र ३७१ जना भेन्टिलेटरमा उपचाररत छन् ।
गत २४ घण्टामा ६ हजार १३५ जना संक्रमणमुक्त भएका मन्त्रालयले जनाएको छ । हालसम्म संक्रमणमुक्त हुनेको संख्या ३ लाख २७ हजार ६५३ पुगेको छ ।
पछिल्लो २४ घण्टामा थप २०३ जनाको कोरोनाबाट मृत्यु भएको छ ।
योसहित हालसम्म कोरोनाबाट मृत्यु हुनेको संख्या ४ हजार ६६९ पुगेको छ ।
