उपत्यकामा ११०७ सहित १९४५ संक्रमित थपिए, ५३६४ जना संक्रमणमुक्त
काठमाडौं, पछिल्लो २४ घण्टामा १९४५ जनामा कोरोना भाइरसको संक्रमण पुष्टि भएको छ ।
देशभरका प्रयोगशालामा १० हजार ३४० नमुना परीक्षण गर्दा २७४० महिला र १२०५ पुरुषमा संक्रमण पुष्टि भएको हो । यससँगै कुल संक्रमितको संख्या २ लाख १६ हजार ९६५ पुगेको छ ।
उपत्यकामा शुक्रबार थप १ हजार १ सय ७ जनामा कोरोना पुष्टि भएको छ । काठमाडौंमा ८ सय ६२, भक्तपुरमा ७१ र ललितपुरमा १ सय ७४ जनामा कोरोना संक्रमित थपिएका छन् । महिला ४ सय ८४ र पुरुष ६ सय २३ छन् ।
काठमाडौं जिल्लामा ९ हजार ६ सय ८१ सक्रिय संक्रमित छन् । ३ सय १६ संक्रमितको मृत्यु, ७१ हजार ५ सय ९१ कोरोना संक्रमणबाट मुक्त भएका र कुल संक्रमित ८१ हजार ५ सय ८८ छन् ।
भक्तपुरमा सक्रिय संक्रमित ७ सय ८३ छन् । ६ हजार ४ सय ७० कोरोना संक्रमणबाट मुक्त भएका, ८३ संक्रमितको मृत्यु र कुल संक्रमित ७ हजार ३ सय ३६ छन् ।
त्यसैगरी, ललितपुरमा २ हजार २ सय २८ सक्रिय संक्रमित छन् । ९ हजार ६ सय ३१ कोरोना संक्रमणबाट मुक्त भएका छन् । ८९ संक्रमितको मृत्यु र कुल संक्रमित ११ हजार ९ सय ४८ छन् ।
पछिल्लो २४ घण्टाको अवधिमा ५ हजार ३६४ जना निको भएका छन् । नेपालमा निको हुने दर ८८ प्रतिशत रहेको छ । हालसम्म १ लाख ९१ हजार २ जना संक्रमणमुक्त भइसकेका छन् ।
हाल देशका १२ जिल्लामा ५ सयभन्दा बढी संक्रमितहरु उपचाररत छन् भने मनाङ जिल्लामा संक्रमणमुक्त रहेको छ ।
स्वास्थ्य तथा जनसंख्या मन्त्रालयको पछिल्लो तथ्यांकअनुसार १९ हजार १४ जना होमआइसोलेसनमा रहेका छन् भने ४०३ आईसीयू र ६३ जना भेन्टिलेटरमा छन् ।
मन्त्रालयको तथ्यांकअनुसार २४ घण्टाभित्र देशभरका विभिन्न ल्याबमा जम्मा १० हजार ३४० नमुना परीक्षण भएको छ । यससँगै हालसम्म देशभर १६ लाख ४३ हजार ९ सय पिसिआर परीक्षण गरिएको पनि मन्त्रालयले तथ्यांकमा जनाएको छ ।
पछिल्लो २४ घण्टामा २२ कोरोना संक्रमितको मृत्यु भएको मन्त्रालयले जनाएको छ ।
योसँगै नेपालमा कोभिड–१९ बाट मृत्यु हुनेको कूल संख्या १२ सय ९८ पुगेको छ ।
