बुन्डेस लिगमा वार्यन म्युनिखको रोमाञ्चक जित, लेवान्डोस्कीको चार गोल
काठमाडौं, १९ असोज : जर्मन बुन्डेस लिग फुटबलमा साविकको विजेता वार्यन म्युनिखले रोमाञ्चक जित निकालको छ । आइतबार राति भएको खेलमा वार्यनले हेर्थालाई ४–३ गोल अन्तरले हराएको हो ।
घरेलु मैदानमा भएको खेलमा वार्यनलाई जित दिलाउन रोवेर्ट लेवान्डोस्कीले चार गोल गरे । उता हेर्थाका लागि योन कोर्डाबा, माथेउस कुन्चा र जेसिसले एक–एक गोल गरे ।
खेलको ४० औँ मिनेटमा लेवान्डोस्कीले गोल गर्दै वायर्नलाई अग्रता दिलाए । ५१ औँ मिनेटमा लेवान्डोस्कीले वायर्नको अग्रता दोब्बर पारे ।
५९ औँ मिनेटमा हेर्थाका लागि कोर्डोबाले गोल गर्दै टिमलाई २–१ गोलको अवस्थामा पुगाए । ७१ औँ मिनेटमा हेर्थाका लागि माथिउसले बराबरी गोल फर्काए ।
८५ औँ मिनेटमा लेवान्डोस्कीले ह्याट्रिक पूरा गरे । ८८ औँ मिनेटमा हर्थाका लागि जेसिसले बराबरी गोल फर्काए । खेलको इन्ज्यूरी समाय लेवान्डोस्कीले पेनाल्टी मार्फत गोल गर्दै वायर्नलाई ४–० गोलको जित दिलाए ।
जितसँगै वायर्नले ३ खेलबाट ६ अंक जोडेको छ । पराजित हर्थाको ३ अंक रहेको छ ।
