लुइस सुवारेज एथ्लेटिको म्याड्रिड जाने
काठमाडौं, ७ असोज : लुइस सुवारेज बार्सिलोना छाडेर प्रतिद्वन्द्वी क्लब एथ्लेटिको म्याड्रिड जाने भएका छन् ।
लुईस सुआरेजलाई एट्लेटिको मड्रिडमा बेच्न बार्सिलोेना सहमत बनेको छ ।
बार्सिलोनाले ला लिगा प्रतिद्धन्दी क्लब एट्लेटिको मड्रिडलाई आफ्ना फरवार्डलाई जान दिन सहमत बनेको हो ।
सुआरेज बार्सिलोनामा बस्न चाहदैन थिए । र क्याटलान क्लब समेत उनलाई निशुल्क अन्य क्लबमा जान दिन खुसी देखिएको छ । यद्धपी केही शीर्ष क्लबमा जान नपाउने शर्त बार्सिलोनाले राखेको थियो ।
यसअघि, सुवारेज युभेन्टस जाने तयारी गरे पनि पासपोर्टको समस्याका कारण उक्त करार बीचैमा तुहिएको थियो । त्यसपछि सुवारेजले एथ्लेटिकोसँग सम्झौता गरेका थिए ।
बार्सिलोनाका अध्यक्ष जोसेप मारिया बर्टोमेउले सुआरेजको सम्झौतालाई रोकेर राखेका थिए । उनी स्पेनिस प्रतिद्धन्दी क्लबमा उनलाई पठाउन चाहदैन थिए ।
तर सुआरेजका प्रतिनिधिसंग छलफल भएपछि क्याटलान क्लबमा प्रतिनिधि उरुग्वेका फरवार्डलाई रिलिज गर्न सहमत बनेका हुन् । सुआरेजले आफ्नो गुनासो मिडियामा पोख्ने धम्कि दिएपछि बार्सिलोना समेत उनलाई छोेड्न सहमत बनेको हो ।
एथ्लेटिकोले ३३ वर्षीय उरुग्वेन खेलाडीका लागि मात्र ४० लाख युरो खर्चिनु पर्नेछ । एथ्लेटिकोमा सुवारेजले बार्सिलोनामा कमाइरहेको वार्षिक ३ करोडभन्दा आधा मात्र तलब पाउनेछन् । सबै मुल्य च्याम्पियन्स लिगमा छनोटमा गरिने प्रर्दशनमा निर्भर रहनेछ ।
उनले बार्सिलोनामा रहने भन्दा झण्डै आधा रकम एट्लेटिकोमा आर्जन गर्नेछन् ।
उनी बार्सिलोनामा ६ बर्षको बसाईलाई बिट मार्दै क्लबबाट निस्कन लागेका हुन् । उनले बार्सिलोनामा रहदा २ सय ८३ खेलमा १ सय ९८ गोल गरेका थिए । उनले लियोनल मेस्सी र नेयमारपछि बार्सिलोनामा सर्वाधिक गोल गरेका छन् ।
उनी सन् २०१४ मा लिभरपुलबाट ७४ मिलियन पाउण्डमा ला लिगा क्लबमा जोडिएका थिए । उनले चार ला लिगा, चार कोपा डेल रे, च्याम्पियन्स लिग र क्लब विश्वकपको उपाधि जिताउन योगदान गरेका थिए ।
