सिजनको पहिलो खेलमा पीएसजी पराजित
काठमाडौं, भदौ २७ : पीएसजीले लिग वान नयाँ सिजनमा खराव सुरुवात गरेको छ । सिजन २०२०–२१ को पहिलो खेलमा लेन्ससँग १–० ले पराजित हुँदै सिजनमा खराव सुरुवाता गरेको हो ।
बिहिबार राति भएको खेलमा पीएसजी यसै सिजन लिग वानमा बढुवा भएको लेन्ससंग १–० ले पराजित बनेको हो ।
बिहीबार राति लेन्सको घरेलु मैदानमा भएको खेलमा इग्नाटिउस गानागोले खेलको एक मात्र निर्णायक गोल गरेका थिए ।
च्याम्पियन्स लिगका फाईनल खेलेका ७ खेलाडी बिनै पीएसजी मैदान उत्रिएको थियो । कोरोना भाइरसबाट संक्रमित भएका ब्राजिली स्टार नेयमार, मार्कुन्होस र अर्जेन्टिनी खेलाडी एन्जल डी मारिया, मौरो इकार्डी लगायतका खेलाडी पीएसजीको टिमको थिएनन् ।
पीएसजीले आईतबार लिग वानको दोस्रो खलेलमा मार्सिलेसंग प्रतिस्पर्धा गर्नेछ ।
