स्याङ्जामा तास खेल्ने १९ सहित २२ जनालाई कोरोना संक्रमित पुष्टि
मिरा मल्ल । भदाै २१, स्याङजा : पुतलीबजार नगरपालिका स्याङ्जामा आइतबार बिहान एकैपटक २२ जना कोरोना संक्रमित पुष्टि भएको गण्डकी प्रदेश प्रादेशिक स्वास्थ्य निर्देशनालयले जनाएको छ। संक्रमित मध्ये एक महिला हुन भने २१ पुरुष रहेका छन ।संक्रमित हुनेमा १ का ६ जना, १३ का २ जना, ३ का ४ जना १४ का ८ जना र २ जना वडा नखुलेको रहेका छन् । संक्रमित थपिनेमा वडा नं. १ का ७६, ३४, ३०, ३२, २४, ५५, बर्षका छन। वडा नं. तेह्रका ४७ र ४६ वर्षका छन। वडा नं. तीनका ४७, ४४, ५२ र ५० बर्षका र वडा नं. चौधका ४४, ३९, ३६, ३५, ३०, ३८, ५७, ४६ बर्षका पुरुष हुन। वडा नखुलेकाे ४५ र ३५ वर्षका छन ।
२२ जना मध्येमा १९ जना तास खेल्नेहरु, २ जना विदेशबाट आइ क्वारेन्टाइनमा बसेका र एक सरकारी कर्मचारी रहेको नगर स्वास्थ्य प्रमुख बिष्णु काफलेले जानकारी दिए। यसै साता, प्रहरीले छुट्टाछुट्टै २ खालमा बसेर तास खेल्दै गरेका अवस्थामा पक्राउ परेका युवाहरुलाई दुई दिनपछि क्वारेन्टाइनमा राखेको थियो। यसरी पक्राउ पर्ने २२ जना थिए । अन्य ३ जनामा भने कोरोना संक्रमण नेगेटिभ देखिएको बताइएको छ ।भारत र मलेसियाबाट फर्केका २ जना, १ जना सरकारी कर्मचारी जिल्ला अस्पताल स्याङ्जामा उपचारमा क्रममा गएका बेला पिसिआर परिक्षण गराउदा पोजिटिभ देखिएको थियाे ।
यो संगै स्याङ्जामा कोरोना संक्रमित हुनेको संख्या ३ सय ३७ पुगेको छ। आइसोलेसनमा बस्नेको संख्या २२ जना थपिएसँगै २७ पुगेको छ । हाल सम्म २ जनाको भने मृत्यु भएको छ भने ३ सय ८ जनाले कोरोना जितेर घर फर्केका छन् ।