मौसम पूर्वानुमान : मेघगर्जन, चट्याङ्गसहित भारी वर्षाको सम्भावना
काठमाडौँ, १६ भदौ : मौसम पूर्वानुमान महाशाखाले मंगलबार दुई बुलेटिन जारी गर्दै न्युन चापीय रेखा नेपाल नजिक रहेको कारण हाल देशको केही स्थानहरुमा मेघगर्जन, चट्याङ्गसहित हल्कादेखि मध्यम वर्षा र प्रदेश न. १ र गण्डकी प्रदेशका एक, दुई स्थानमा भारी वर्षा समेत भइरहेको महाशाखाले जनाएको छ ।
मौसम पूर्वानुमान महाशाखाले मंगलबार मनसुनको न्युन चापीय रेखा पुर्वी र मध्य भूभागमा नेपाल नजिक रहेको जनाएको छ ।
यस्तै, मंगलबार दिउँसो देशभर सामान्यतया बदली रहि धेरै स्थानमा मेघगर्जन, चट्याङ्गसहित हल्कादेखि मध्यम वर्षाको सम्भावना रहेको छ ।
साथै, प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का थोरै स्थानमा भारी वर्षाको सम्भावना रहेको छ ।
आज राति देशभर सामान्यतया बदली रहि केही स्थानमा मेघगर्जन, चट्याङ्ग सहित हल्का देखि मध्यम वर्षाको सम्भावना रहेको छ ।
यसैगरी, प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का थोरै स्थानमा भारी वर्षाको सम्भावना रहेको छ ।
