गोरखामा कोरोनाबाट एकजनाको मृत्यु
गोरखा, २० असार : कोरोना संक्रमणका कारण नेपालमा थप एक जनाको मृत्यु भएको छ ।
गोरखा पालुङ्टार नगरपालिका ७ का ४४ वर्षिय पुरुषको कोरोना संक्रमणका कारण मृत्यु भएको गोरखा अस्पतालले जनाएको छ ।
उनी मधुमेहका रोगी रहेको र आइसोलेसनमा उपचार गराइरहेको अवस्थामा आज बिहान करिव ५ बजे मृत्यु भएको अस्पतालले जनाएको छ ।
उनमा हिजो साँझ कोरोना पुष्टि भएको थियो । यो सहित नेपालमा कोरोना संक्रमणका कारण ज्यान गुमाउनको संख्या ३३ पुगेको छ ।
