काठमाडौं उपत्यकामा १४ जना कोरोना संक्रमित भेटिए
काठमाडौं, १६ असार : मंगलबार काठमाडौं जिल्लामा १२ जना कोरोना संक्रमित भेटिएका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले काठमाडौं जिल्लामा १२ जना संक्रमित भेटिएको पत्रकार सम्मेलनमा जानकारी दिए ।
संक्रमितमा काठमाडौंका १२ जना, भक्तपुरका १ र ललितपुरका १ जना रहेका छन् । काठमाडौंमा ५ महिला र ७ जना पुरुषमा संक्रमण देखिएको हो । यस्तै ललितपुरमा एक पुरुष र भक्तपुरमा एक महिलामा कोरोना पुष्ठि भएको छ ।
यो संगैं काठमाडौं उपत्यकामा आज कोरोना संक्रमित १४ जना थपिएका छन् ।
यसअघि हिजो सोमबार काठमाडौं उपत्यकामा ८ जनामा कोरोना संक्रमण देखिएको थियो ।
काठमाडौं जिल्लामा ६ जना तथा ललितपुर र भक्तपुरमा एक/एक जनामा कोरोना संक्रमण देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका थिए ।
