भारतमा लकडाउन दुईहप्ता थपियो
नयाँ दिल्ली, १९ बैशाखः भारतमा कोरोना भाइरसको संक्रमण लगातार बढिरहेको छ ।
कोरोनाभाइरस न्युनीकरणका लागि गरिएको लकडाउन भारतले थप दुईहप्ता बढाएको छ ।
यसैबीच, भारतमा लकडाउन कोरोना संकटसँग लड्नको लागि दुई हप्ताका लागि थपिएको छ । अब लकडाउन मे १७ सम्म जारी हुनेछ । यो जानकारी गृह मामिला मन्त्रालय मार्फत दिइएको हो ।
भारतको केन्द्रीय स्वास्थ्य मन्त्रालयका अनुसार त्यहाँ ३५ हजार भन्दा बढीमा कोरोना संक्रमण देखिएको छ । उनीहरू मध्ये ९ हजार जना निको भइसकेका छन् भने एक हजार १५२ जनाको ज्यान गएको छ ।
भारतमा खाना पकाउने ग्यासको मूल्य घट्यो
भारतमा खाना पकाउने ग्यासको मूल्य घटेको छ । भारतका इन्धन मार्केटिङ कम्पनीहरुले ग्याँसको मूल्य घटाएका हुन् ।
भारतको राजधानी नयाँ दिल्लीमा आजदेखि सिलिन्डरमा १६२ भारु घटेको छ ।
भारतमा प्रत्येक महिनाको पहिलोदिन ग्याँसको मूल्यमा हेरफेर हुने गरेको छ । आजसहित लगातार तीन महिना भारतमा ग्याँसको मूल्य घटेको हो ।
भारतको राजधानी नयाँ दिल्लीमा अनुदान बिनाको ग्यास प्रति सिलिन्डर ७४४ भारुबाट घटेर ५८१ भएको छ । त्यस्तै मुम्बइमा ७१४ बाट घटेर ५७९ भारु भएको छ ।
त्यस्तै कलकत्तामा १९० भारु घटेर ५८४ कायम भएको छ ।
