‘पर्यटन प्रवद्र्धनको मुख्य आधार खेलकूद’

पोखरा, ९ फागुन : संस्कृति, पर्यटन तथा नागरिक उड्डयनमन्त्री रवीन्द्र अधिकारीले पर्यटन प्रवद्र्धनको मुख्य आधार खेलकूद भएको बताउनुभएको छ ।

सहारा क्लबद्वारा पोखरा रङ्गशालामा आयोजित १७औँ संस्करणको आहा रारा गोल्ड कपको उद्घाटन गर्दै उहाँले पोखरा पर्यटनमात्र नभई खेलकूदको समेत राजधानी भएको उल्लेख गर्नुभयो ।

पोखरा रङ्गशालालाई सुविधा सम्पन्न बनाउन सरकारले आवश्यक प्रक्रिया अगाडि बढाएको बताउँदै मन्त्री अधिकारीले त्यसका लागि तीनै तहका सरकारबीच समन्वय अपरिहार्य रहेकोमा जोड दिनुभयो ।
सरकारले सङ्घीय संरचनालाई प्रभावकारी र व्यवस्थितरुपमा अगाडि बढाउनाका साथै आवश्यक कानूनी संरचना तथा पूर्वाधार विकासमा जोड दिँदै आएको उल्लेख गर्दै उहाँले अब मुलुक समृद्धितर्पm उन्मुख भएको धारणा राख्नुभयो । सन् २०२० सम्ममा पोखरा विमानस्थलको निर्माण सम्पन्न हुने र २०२१ जनवरीमा परीक्षण उडान गरी फेब्रुअरीदेखि सञ्चालनमा आउने उहाँले बताउनुभयो ।

प्रतियोगिताको आज भएको उद्घाटन खेलमा सशस्त्र प्रहरीको एपिएफ क्लबले आयोजक सहारा क्लबलाई चारका विरुद्ध पाँच गोलले पराजित गर्दै आप्mनो यात्रालाई अगाडि बढाएको छ । खेलको निर्धारित ९० मिनेट र अतिरिक्त ३० मिनेटको समयमा पनि दुवै टोलीको समान एक–एक गोल भएपछि खेल टाइब्रेकरमा धकेलिएको थियो । टाइब्रेकरमा एपिएफका किपर रोमन रसाइली नायक बने ।

प्रतियोगितामा विभागीय तीन टोलीसहित मनाङमस्याङ्दी क्लब, धरान फुटबल क्लब थ्री स्टर क्लब, डफिन्स फेमिली टिम क्याम्रुङ, हिमालय शेर्पा क्लब, युनाइटेड सिक्किम फुटबल क्लब भारत गरी कूल १० टोलीको सहभागिता छ ।